555818_10200199915994354_1179776526_n 548369_10201180353965830_1185501263_n
SOMALI LINKS

Maamulka Gobolka Banaadir Oo Bilaabay Mashruuc Dib Ugu Dhis Loogu Sameynayo Taalooyinka Taariikhiga Ah

Number of View :188

Maamulka gobolka Banaadir ayaa bilaabay mashruuc dib u dhis loogu sameynayo Taalooyinka Taariikhiga ah ee Dalkeenna.

Mashruucaan dib u dhiska taalooyinka taariikhiga ah ayaa waxa uu ka bilowday degmooyinka Gobolka Banaadir ayadoo hadana magaalada Muqdisho uu ka soconayo dib u dhiska taalooyinkaasi oo lagu sameynayo taalooyin dhowr ah.

Taalooyinka dib u dhiska uu ka socdo waxaa ka mid ah daljirka Daahsoon iyo taaladii Dhagaxtuur ayadoo goobtaasi aad ku keyso inuu ka soconayo dib u dhis xoogan.

Afhayeenka maamulka gobolka Banaadir Maxamed Yuusuf oo wareysi siiyey Radio Muqdisho ayaa sheegay in mashaariicdan dib u dhiska ah ay gacan ka siineyso maamulka gobolka Banaadir hay’adda hormarinta dalka Turkiga ee TIKA.

Dhinaca magaalada Muqdisho ayaa waxaa ka soconaya dib u dhis lagu sameynayo wadooyinkii bur bursanaa ayadoo dib u dhiska wadooyinkana ay iska kaashanayaan maamulka gobolka Banaadir iyo hay’adda TIKA.

Dib u dhiskan xoogan ee ka soconaya magaalada Muqdisho ayaa qeyb ka ah dib u dhis guud oo xiligan Caasimadda ka socda waxaana dib u dhiskan uu qeyb ka yahay qorshe dib loogu soo celinayo bilicda Caasimadda.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>