555818_10200199915994354_1179776526_n 548369_10201180353965830_1185501263_n
SOMALI LINKS

Wasiirka Arrimaha Dibadda’’ waxaan xaqiiqsaday in safiirka uu badbaadinayo hantidii qaranka, waxaana indhaheyga ku arkay hantideenii oo dayacan’’

Number of View :519

fowsiyo2R/wasare ku xigeen ahna wasiirka arimaha dibadda Soomaaliya Marwo Fowsiyo Yuusuf Xaaji Aadan  ayaa soo gaba gabeysay socdaal shaqo oo sedexdii cesho ee la soo dhaafay ku joogtay Magaalada Roma ee Xarunta dalka Talyaaniga ka di bmarkii ay casuumaad ramsi ah ka heshay dhigeeda dalka Talyaaniga.

Marwo Fowsiyo oo intii ay joogtay Talyaaniga  la kulantay Wasiirka arimaha dibada  ee Talyaaniga, iyo wasiirka cadaalada iyo garsoorka, iyada oo sidoo kale soo booqatay guriyhii iyo xarunta safaarada Soomaaliya ee magaalada Roma.

R/wasaare ku xigeenka ahna wasiirka arimaha dibada ee Soomaaliya  Marwo Fowsiyo Yuusuf Xaaji Aadan oo gabagabada  socdaalkeeda wareysi  siisay Warbaahinta ayaa  sheegtay in ay soo aragtay afar ka mid ah  guryihii Soomaaliya ku laheyd  dalka Talyaaniga, sidoo kalana ay la kulantay jaaliyada Soomaaliyeed ee wadanka talyaaniga  oo ay ka dhageysatay darenkooda, isla markaana y gaarsiisay fariinta madaxda Qaranka.

’’Guryihii aanu laheyn waan soo arkay afar ka mid ah waxaa iiga muuqday dayac xoog leh iyo dhibaato soo gaartay, hadana waxaan ku jirnaa sidii dib loogu soo hagaajin lahaa’’ ayey tiri Marwo Fowsiyo oo intasi raacisay inta badan guryihii Soomaaliya  ugu yiilay dunida ay dayacan yihiin ayna sabab u tahay dhowr iyo labaatanka sano ee dowlad la’aanta ah.

’’ waxaan xaqiiqsaday oo indhaheyga ku arkay in guryaheena jajaban yihiin, waxaan sidoo kale xaqiiqsaday in Safiirka  mas’uul ka yahay hantida qaranka uuna badbaadinaayo, isla markaana ilaalinayo danta qaranka iyo howsha uu u xilsaaran yahayna waan soo arkay’’ ayey tiri R/wasaare ku xigeen ahna wasiirka arimaha dibada ee Soomaaliya Marwo Fowziyo Yuusuf Xaaji Aadan.

R/wasaare ku xigeen ahna wasiirka arimaha dibadda ee Soomaaliya marwo Fowsiyo Yuusuf Xaaji Aadan ayaa sidoo kale   ka hadashay kulankii ay la yeelatay Wasiirada cadaalada ee dalkan Talyaaniga iyada oo kala hadashay sidii loo sii deyn lahaa dad Soomaaliyeed oo ku xerxeran xabsiyada dalkan talyaaniga iyo  arimaha garsoorka iyo sida talyaaniga uu kaalintii uu horay ugu lahaa arimaha cadaalada u soo celiyo  maadaama Talyaaniga uu horay uga caawin jiray  soomaaliya dhinaca   cadaalada.

R/wasaare ku xigeen ahna wasiirka arimaha dibada ee Soomaaliya marwo Fowziyo Yuusuf Xaaji Aadan iyo  ayaa soo gaba gabeeysay socdaalkii ay ku mareysay dalalka Uk iyo Italy.

C/raxmaan Maxamed Xasan (Xudeyfi)
Email: xudeyfi4@hotmail.com

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>